Li Muglayê 3 HDP’î hatin girtin

Polîsan îro di serdegirtina malan a li Muglayê de di nav de rêveberiya HDP’a Muglayê Ebrû Demîr jî, 3 kes binçavkirin. Her sê kes jî ji ber parvekirinên li ser medyaya civakî hatin girtin

Polîsan di danê sibehê de li navçeya Bodrum a Muglayê bi ser malan de girt. Di encama serdegirtina malan de rêvebera Partiya Demokratîk a Gelan (HDP) a Muglayê Ebrû Demîr ku dayika 3 zarokane, Alî Aybar û jineka ku navê wê nehat zanîn ji ber parvekirinên li ser medyaya civakî hatin binçavkirin. Kesên hatine binçavkirin piştî kontrola tenduristiyê sewqî Midûriyeta Emniyetê ya Denîzcîler a Bodrumê hatin kirin.

Kesên hatin binçavkirin piştî îfadeyê li emniyetê, derxistin dozgeriyê. Dozgeriyê jî her sê welatî bi daxwaza girtinê sewqî dadgehê kirin.

Heyeta dadgehê ji ber parvekirinên li ser medyaya civakî, bi îdiaya ‘Propagandaya rêxistinê kirine’ her 3 kes girtin. Kesên hatin girtin şandin Girtîgeha Tîpa E ya Muglayê. MUGLA

Dikarî Biecibînî