Çeteyên dewleta tirk li Bilbilê goran dikolin!

Çeteyên dewleta tirk gorên li goristana gundê Şêxûrzê yê Bilbilê kolandin. Hat zanîn ku çeteyên ku tu nirxên mirovahiyê nas nakin, li berhemên dîrokî digerin

Komên çete yên girêdayî dewleta tirk li Efrînê hemû nirxên mirovahiyê binpê dikin. Komên çete yên ku li hêlekê welatiyan direvînin, îşkence dikin û dikujin, li hêlekê jî xwezaya Efrînê talan û wêran dikin.

Çeteyên ku rojane sûcên li dijî mirovahiyê dikin û hemû nirxên exlaqî û mirovî binpê dikin, niha jî dest bi kolandina goran kir. Li gorî agahiyên ji Efrînê, komên çete li goristana gundê Şêxûrzê yê navçeya Bilbil a Efrînê goran dikolin û li şûnwaran digerin.

Tevî van binpêkirinên dermirovî jî raya giştî ya cîhanê xwe li bêdengiyê datîne. EFRÎN

Dikarî Biecibînî