Hêzên Koalîsyonê li Girê Spî dewriyeyan diavêjin

Piştî gefên Erdogan û zêdebûna liv û tevgera hêzên artêşa tirk a li ser sînorê Rojava, hêzên Koalîsyona Navdewletî jî li Girê Spî dest bi dewriyeyan kir

Serokê giştî yê AKP’ê û serokomarê dewleta tirk Recep Tayyîp Erdogan duh di civîna partiya xwe ya li Kizilcahamamê de gefa dagirkirinê li Rêveberiya Xweser a Bakur û Rojhilatê Sûriyeyê xwar. Di heman demê de komên çete yên cîhatperest ku navê ‘Hikûmeta demkî ya Sûriyeyê û fermandariya OSO’yê’ li xwe kirine, li Rihayê di bin kontrola MÎT’ê de civiyan. Komên çete aşkera kirin ku wan ‘Artêşa Neteweyî ya Sûriyeyê ava kirine û dê piştgiriyê bidin operasyona TSK’ê ya li herêmê.’

Piştî gefên Erdogan û daxuyaniya komên çete, liv û tevgera hêzên artêşa tirk a li ser sînorê di navbera bakur û rojavayê Kurdistanê de jî zêde bû. Li ser zêdebûna liv û tevgera leşkerî jî yekîneyên Hêzên Koalîsyona Navneteweyî Ya Li Dijî DAIŞ’ê ku serkêşiya wê DYA dike, li ser sînorê Girê Spî dest bi dewriyeyan kir.

Di heman demê de hêzên Meclisa Leşkerî ya Girê Spî jî li ser sînor di sekna parastinê de ne. RIHA

Dikarî Biecibînî