aram

‘Ne dema bêdengiyê ye’

Sendîka, Odeyên DÎSK, KESK, TMMOB û TTB’ê operasyona TSK’ê ya li dijî axa Bakur û Rojhilatê Sûriyeyê şermezar kirin û diyar kirin ku operasyon wê bêtir pirsgirêkê kûr bike. Ode û sendîkayan destnîşan kirin ku niha ne dema bêdengiyê ye û xwest her kes li dijî şer dengê xwe bilind bikin

Rêxistin, Sendika, Ode û komeleyên DÎSK, KESK, TMMOB û TTB’ê li dijî şerê ku TSK’ê li dijî Bakur û Rojhilatê Sûriyeyê di 9’ê Cotmehê de da destpêkirin, daxuyaniya hevpar dan. Sendîka û odeyan di daxuyaniya nivîskî de diyar kirin ku wan 4 sal berê di 10’ê Cotmehê de 103 hevalên xwe winda kirin û wiha gotin: “Em di 4’emîn salvegera komkujiya 10’ê Cotmehê ya Enqereyê de carek din soz didin. Em ê ji bo Tirkiyeyek ku ked, demokrasî, aştî û azadî serdest e tebikoşin. Em endezyar, sendîkavan, karmend û mîmarên vî bajarî ji bo pêşeroja vî welatî ya azad têbikoşin. Em bang li her kesî dikin ku niha ne dema bêdengiyê ye. Ya têk diçe demokrasî û mafê mirovan e. Aborî têk diçe. Edalet têk diçe. Aştî têk diçe.” ENQERE

Dikarî Biecibînî