aram

Êrîşa li dijî Um El Xêr hate şikandin û dagirkeran li Yebisê jî derb xwar

Navenda Nûçeyan

Di navbera şervanên HSD’ê û hêzên dagirker ên dewleta tirk û çeteyên wê de li Serêkaniyê û Girê Spî şerekî giran heye. Hat zanîn ku êrîşa dagirkeran a li gundê Um El Xêr ê Serêkaniyê hate şikandin û li gundê Yabis ê Girê Spî şervanan derbê giran li dagirkeran dan

Şer û pevçûnên di navbera şervanên Hêzên Sûriyeya Demokratîk (HSD) û hêzên dagirker ên dewleta tirk û çeteyên wê her ku diçe dijwartir dibin. Di vê çarçoveyê de şervanên HSD’ê li hemberî hewldana dagirkirina rojavayê Kurdistanê bi berxwedaneke dîrokî bersiv didin.

Li gorî agahiyan, artêşa tirk a dagirker û çeteyên wê hewl dan ku bikevin gundê Um El Xêr ê girêdayê bajarokê Sefih ê li başûrê rojhilatê Serêkaniyê. Lê li ser bersivên tund ên şervanan, êrîşa dagirkeran hate şikandin û çete neçar man ku birevin.

Her wiha di van kêliyan de li derdora gundê Yabis ê ku 10 km’yan li rojavayê Girê Spî dikeve, di navbera şervanên HSD’ê û hêzên dagirker de şerekî dijwar diqewime. Hat zanîn ku hêzên dagirker hewl didin bi pêşve werin û şervan jî bi bersivên tund hewldanên wan vala derdixînin. Çavkaniyên ji herêmê da zanîn ku di şer û pevçûnan de hêzên dagirker derbên giran xwarine û herêmê topbaran dikin.

Dikarî Biecibînî