aram

Li Serêkaniyê şerekî dijwar heye

Lê Serêkaniyê berxwedana şervanên HSD’ê ya li hemberî hêzên dagirker ên dewleta tirk û çeteyên wê didome. Hat zanîn ku balafirên şer li ser bajar digerin û li hemû eniyên bajar şerekî giran heye

Berxwedana şervanên Hêzên Sûriyeya Demokratîk (HSD) a li hemberî hêzên dagirker ên dewleta tirk û çeteyên wê yên El Qaîde, El Nusra, DAIŞ û OSO’yê berdewam e. Tevî hemû êrîşên dijwar ên bi balafirên şer û topên hewan û obûsan jî, şervanên HSD’ê bi îradeyeke mezin li ber xwe didin û nahêlin ku komên dagirker bikevin Serêkaniyê.

Di çarçoveya berxwedana dîrokî ya li Serêkaniyê de, şervanan îro jî derbên giran li dagirkeran dan. Li gorî agahiyên dawî, piştî êrîşa qirkirinê ya dewleta tirk, di navbera şervanên HSD’ê û hêzên dagirker de şerekê dijwar rû da.

Hat zanîn ku şer niha li hemû eniyan pir dijwar e û balafirên şer ên dewleta tirk li ser bajar digerin. Her wiha hat ragihandin ku komên çete hewl didin bi dizikî bikevin nav taxan. Lê li ser bersivdayîna şervanan jî li taxan şer derket. SERÊKANIYÊ

Dikarî Biecibînî