aram

Li gundên Aliyan û Erbeînê 60 çete hatin kuştin

Şervanên HSD’ê di şerê rizgarkirina gundên Aliya û Erbeîn ên li rojavayê Til Temire de derbên giran li çeteyan dan. Hat zanîn ku di 60 çete hatine kuştin

Şervanên Hêzên Sûriyeya Demokratîk (HSD) di çarçoveya Berxwedana Rûmetê de derbên giran li artêşa tirk a dagirker û çeteyên wê didin. Di danê êvarê de komên dagirker êrîşî gundên Erbeîn û Aliya yên Til Temirê kirin û dagirkirin.

Li ser vê yekê jî şervanan li dijî her du gundan operasyona da desptêkirin û derbên mirinê li çeteyan dan. Li gorî agahiyên ji herêmê, şervanan piştî pevçûnên dijwar her du gund ji çeteyan rizgar kirin. Çavkaniyên ji herêmê ragihand ku di encama pevçûnan de 60 çete hatin kuştin, tankek hate teqandin, 7 pîkab û 7 panzêr ên artêşa dagirker jî hatin derbkirin. Her wiha panzêreke artêşa tirk jî kete destê şervanan.

Hat zanîn ku komên çeteyan di bin topbarana şervanan de 7 pîkab û 7 panzêrên xwe yên derbkirî û birîndarên xwe birin û reviyan. HESEKÊ

Dikarî Biecibînî