Kurd ji bo Bakur û Rojhilatê Sûriyeyê li qadan bûn

NAVENDA NÛÇEYAN

Kurdistanî û dostên wan ji bo protestokirina dagirkeriya Tirk a li ser Bakur û Rojhilatê Sûriyeyê li paytexta Swêd Stockholm, paytexta Ewûstûrya Viyana, bajarê Munîh, Dersden, Frankfûrt , Tubîngen ên Elmanyayê û li gelek welatan  li qadan bûn.

Stockholm

Di saetên şevê de Kurdistanî û dostên wan ên li Qada Sergelstorgyê kom bûn dagirkeriya Tirk a li ser Bakur û Rojhilatê Sûriyeyê protestokirin.

Di çalakiyê de Azad Huseyîn ê ji Rojava ku ji ANF’ê re axivî got: “Terorîstên rastî dewleta Tirk û Erdogan bi xwe ye. Tirkiye dixwaze gelê Kurd tine bike.”

Jin Rûs a bi navê Angelîca Tûng a ala YPJ’ê li desta hildabû jî got: “Ji bo protestokirina dewleta Tirk tevlî çalakiyê bûme. Ez dîmenên çalakiyê dikişînm û ji bo xizmên xwe dişînim û ew jî wê li ser tevnên civakî parve bikin ku qetlîamên dewleta Tirk tehşerî bibe.”

Vıyana

Li paytexta Ewûstûrya Viyayan jî bi meşeke ya li pêşiya Sefaretxaneya Rûsya pêk hat dagirkeriya Tirk hate protestokirin. Hevserokê Meclîsa Demorkatîk a Sûriye Riyad Dîrar ê tevlî çalakiyê bû diyar kir ku dagirkeriya dewleta Tirk ne tenê li ser Bakur û Rojhilatê Sûriyeyê li dijî hemû gelên herêmê ye.

Munîh

Dagirkeriya Tirk li pêşiya Sefaretxaneya DYE ya li Munîh a Elmanyayê hate protestokirin. Çalakî ji aliyê parlemeteraa Keskan a Parlementoya Keskan a Munîh Gulseren Demîrel ve hate organîzekirin. Rêze civîn hate kirin û di van civînan de dagirkeriya Tirk bûye rojev.

Dresden

Li bajarê Dresden a Elmanyayê jî dagirkerî û qirkirin hate protestokirin. Di çalakiyê de bang di serî de li hikûmeta Elmanya û dîsa Serokwezîr Merkel hate kirin ku li dijî Erdogan helwestên zelal bigirin. Li aliyê din ciwanên Şoreşger û YXK li zanîngeha Teknîkê çalakiyek kirin.

Frankfurt

Bi meşeke ku ji pêşiya HBF a bajarê Frankfûrt a Elmanyayê heta Frankfûrt Messeyê dom kir dagirkeriya Tirk a li ser Bakur û Rojhilatê Sûriyeyê hate protestokirin. Her wiha li pêşiya Fûara Pirtûkan a Frankfûrtê jî mîtîngek hae kirin û di axaftinên hate kirin de banga bi ruhê berxwedanê her roj li qadan bin hate kirin.

Tubîngen

Li bajarê Tubîngen a Elmanyayê jî Serokkomar Frank-Walter Steînmeîer ê ji bo tevlîbûna bernameyek li Zanîngeha Neû Aûla Eberhard Karlsê bê lidarxistin bibe, ji ber êrîşên dagirker ên dewleta Tirk hate protestokirin. Steînmeîer ê dema ketina zanîngehê de hate protestokirin, dirûşmên ‘Kujer Erdogan’ û ‘Bijî Berxwedana Rojava’ hatin qîrkirin.

Kopenhag

Di saetên şevê de bi sedan Kurdistanî û dostên wan ên li navenda bajarê Kopenhagê hatin ba hev bi meşekê êrîşên qirker û dagirker ên dewleta Tirk protestokirin. Meşê ji Îsreel Plads destpê kir heta Qada Kongens Nytorvê dom kir.

Annecy

Li bajarê Annecy ê Fransayê jî dagirkeriya Tirk a li ser Bakur û Rojhilatê Sûriyeyê hate şermezarkirin. Bi sedan Kurdistanî û dostên wna ên li pêşiya avhaiya walîtiyê kom bûn bi hildana alên YPG/YPJ’ê û PYD’ê dest bi meşê kirin. Nîjatperestekî Tirk ê di destê wî de ala Tirk heyî kete pey hewldanên provakasyonê. Li ser xwînsariya çalakvanan bê ku tiştek rû bide ev hewldan hate valaderxistin.

Madrîd

Kurdistanî û dostên wan ên li paytexta Spanya Madrîdê kom bûn dagirkeriya Tirk a li Rojava protesto kirin. Di axaftinên çalakiyê de hate kirin hate gotin ku gelê Kurd stû li ber Erdogan natewîne û wê heta dawî xaka xwe biparêzin.

Lefkoşa

Li bajarê Lefkoşa yê Qibrisê jî Kurdan û dostên wan li pêşiya nûnertiya Neteweyên Yekbûyî kombûn û dagirkeriya Tirk a li ser Bakur û Rojhilatê Sûriyeyê protestokirin. Nûnerên civaka sivîl, ji partiyên siyasî AKEL, EDEK û Partiya Keskan jî cihê xwe di çalakiyê de girt.Di çalakiyê de daxwaz hate kirin ku dagirkeriya Tirkiyê bidin rawastandin.

Oslo

Li Balafirgeha Gerdemoen a li paytexta Norweç Osloyê jî dagirkeriya Tirk bi çalakiyekê hate protestokirin. Çalakiya saetekê dom kir bal kişandin ser dagirkeriya Tirk a li Rojava.

Essen

Di saetên êvarê li bajarê Essenê bi hezaran kes hatin gel hev û ji bo piştigirîdayîna Rojava meşiyan. Rêveberê FED MED’ê Yilmaz Gultekîn di çalakiyê de axivî û bibîr xist ku di rojên bihorî de li bajarê Herneyê ji ber ku welatparêzekî ala YPG li camê mala xwe daliqandibû mala wî dane ber agir. Piştre parêzer Roland Meister jî axivî û diyar kir Erdogan hewildide bi komkujiyan xwe li ser piyan bigire.

Saarbrûcken

Li bajarê Saarbrûckena Elmanyayê hewildanên dagirkeriya Tirk a li ser Rojava bi meşekî hat protestokirin. Di daxuyaniya hatî dayîn de ji saziyên navnetewî re bang hate kirin ku li dijî komkujiyên dewleta Tirk ya li Rojava kirî bi lezgînî bikevin tevgerê.

Giessen

Li Gîessenê meşek ji aliyê Navenda Civaka Kurd a Demokratîk hate organîzekirin. Yekîtiya Sûryaniyên Ewropa (ESU), Şoreşgerên Antîfaşîst (ARAG), Rêxistina Ciwanan yê (Partiya Çep) Die Linke (SDS) û REBELL’ê jî piştgirî dan çalakiyê. Di dema çalakiyê de komekî faşîstê Tirk xwest ku provakasyonê çêbike lewre ji bo demekî kurt alozî çêbû. Di axavtinên ku hatin pêşkêşkirin de ji bo bidawîbûna dagirkeriya ser Rojava bang hatin kirin. Hate zanîn ku piştî çalakiyê polîsan 4 Kurdistanî destgîr kir.

Stuttgart

Li bajarê Stuttgart a Elmanyayê êrîşên dagirkerî ya dewleta Tirk hate şermezarkirn. Girseya qerebalix ku li meydana Kobanê (Schlossplatz) kombibûn ji bo balê bikêşin ser êrîş û dagirkeriya dewleta Tirk meşek lidar xistin. NCKD, MLKP, PARTIZAN, PYD, MLPD û Initiative Kurdistan piştgirî dan xwepêşandanê. Nûnerê PYD yê Ewropayê Zozan Rojava di xwepêşandanê de axivî û got: “Eger Rojava bikeve vê Bakur, Başûr, Rojhilat û Ewropa jî wenda bike mirovatî jî. Şerê man û nemanê ye, em ên ku li Ewropayê dijîn ji bo vê yekê divê li kolanan bin.”

Salzgıtter

Li meydana “Am Monoument” ya bajarê Salzgitter a Elmanyayê Kurdistanî û dostên wê hatin cem hev û ji bo piştgirîdayîna berxwedana Rojava mîtîngek lidar xistin. Xwepêşandana ku bi drûşma “Destê xwe ji Rojava bikêşe” pêk hatî de alên YPG/YPJ hatin bilindkirin. Di encama hişyar nêzîkbûna girseyê ya li hemberî hewildanên provakasyonê yê çend netewperestên Tirk bûyerekî nexweş neqewimî. Ciwanan bi xwendina Helbest û stranan bal kêşandin ser berxwedana Rojava.

Li ser navê YJK-E Hakîme Yousef di xwepêşandanê de axivî û got: “Êdî Kurdistanî yekîtiyê dixwazin, divê em hemû bên ba hev û li dijî rejîma dagirker û qirkerê Erdogan şer bikin, Rojavayê biparêzin. Rojava dilê me ye, Rojava dayîkniştîmana me ye.” Xwepêşandan bi berzkirina drûşmeyên “Bijî berxwedana Rojava”, “Bijî YPG-YPJ-QSD” û “Panzerên Elmanî ji Kurdistanê bicehimin” bidawî bû.

 

Dikarî Biecibînî