aram

Ji Serêkaniyê peyam heye: Em ê tenê gavekê jî venekişin

Şervana YPJ’ê Viyan ku li eniyên Serêkaniyê li dijî hêzên dagirker şer dike vê peyamê dide: “Artêşa tirk li vir çi nirxên mirovahiyê nas nake. Êrîşên xwe çiqas zêde dike bila bike em ê tenê gavekê jî venekişin.”

Berxwedana Rûmetê ya li navçeya Serêkaniyê ya li dijî hêzên dagirker ên dewleta tirk û çeteyên wê bênavber didome. Hêzên dagirker bi hemû hêza xwe êrîşî navçeyê dikin. Lê tevî vê yekê jî nikarin gavekê pêşde biavêjin. Şervanên HSD’ê her carê derbên giran li dagirkeran didin û neçar dimînin ku paşde birevin.

Şervanên ku niha di eniyên şer ên Serêkaniyê de cih digirin anîn ziman ku berxwedana wan a li dijî hêzên dagirker di roja 8’emîn de jî bi hemû serkeftiya xwe didome. Yek ji şervanên di eniya şer de jî şervanan YPJ’ê Viyan e.

Şervan Viyan dibêje ku dewleta tirk li Serêkaniyê tu nirxên mirovahiyê nas nake û wiha got: “Her tiştî hedef digire. Dewleta tirk çi qas bombebaran û êrîşên xwe li ser sivîlan zêde bike jî, ji bo parastina bajarê xwe em gavekê paşde venakişin û berxwedana xwe em ê berdewam bikin. Em hêza xwe ji şehîdên xwe digirin. Wan berxwedaneke mezin li dijî dagirkeran nîşan da û em ê tola wan hilînin.” SERÊKANIYÊ

Dikarî Biecibînî