aram

Lîderê Belûcî piştgirî da berxwedana Rojava

Navenda Nûçeyan

Lîderê Belûcî Dr. Allah Nizar der barê êrîşa dewleta tirk a li dijî Rojava de axivî û wiha got: “Kurdan li dijî terorê bedelên mezin dan. Ji bo mirovahiyê şerê terorê dikin. Lê niha di bin êrîşa dewleta tirk de ye. Em weke gelê Belucistanê bi xwişk û birayên xwe yên kurd re ne.”

Lîderê Belûcî Dr. Allah Nizar têkildarî êrîşên dewlet tirk ên li dijî rojavayê Kurdistanê ji malpera ANI News’ê re axivî. Nizar diyar kir gelê kurd di berdêla cîhanê de ji bo mirovahiyê şerê komên radîkal ên terorîst kir lê niha di bin êrîşên dewleta tirk de ye.

Dr. Allah Nizar di berdewama axaftina xwe de jî diyar kir ku gelê kurd li dewsa cîhanê şerê terorê kiriye û wiha domand: “Gelekî wêreke û di şerê dijî terorê de ji herkesê zêdetir berdêl daye. Ew têgihiştine ku ji bo mirovahiyê şerê terorê dikin. Em weke gelê Belûcistanê li gel xwişk û birayên xwe yên kurdin û wan baş fêm dikin.Armanca êrîşên Tirkiyeyê yên li ser bakurê Sûriyeyê, ji bo ji holê rakirina kurdan e. Em weke gelê belûcî soz didin li gel gelê kurd bin.”

Dikarî Biecibînî