Dayikên Aştiyê banga yektiyê li Barzanî kirin

Endamên Meclisa Dayikên Aştiyê yên Êlihê ji ber êrîşên li dijî Rojava banga yekitiya netewî li serokê PDK’ê Mesûd Barzanî kirin

Endamên Meclisa Dayikên Aştiyê yên Êlihê têkildarî êrîşên dewleta tirk ên li dijî rojavayê Kurdistanê li avahiya xwe civîna çapemeniyê lidar xistin. Endama meclise Nuran Seçkîn daxuyanî da û sivîlên ku di encama êrîşên dewleta tirk de jiyana xwe ji dest dane bi bîr anî.

Seçkîn da zanîn ku di êrîşan de zarok jî hatine kuştin û divê angaşta bikaranîna çekên kîmyewî jî bê lêkolînkirin.

Di daxuyaniyê de Seçkîn banga yekitiya neteweyî ya kurd li serokê PDK’ê Mesûd Barzanî kir û wiha got: “Yên tên kuştin zarokên me ne û xwişk û birayên me ne. Divê kurd bibin yek.”

Her wiha Seçkîn helwesta Rûsya û Amerîkayê rê li pêşiya şer vedikin şermezar kir û daxuyanî wiha bi dawî kir: “Hikûmeta AKP’ê 40 sal jî vî şerî dewam bike em ê neqedin. Em aştî û biratiyê dixwazin. Neçin destê xwe dirêjî Rûsya û Amerîkayê nekin, werin em bi hev re aştiyê bînin û saz bikin. Ji bo aştiyê çi bikeve ser milê me dayikên aştiyê em amade ne.” ÊLIH

 

Dikarî Biecibînî