Li Başûr boykotkirina malên tirk

Li navçeya Kelar a Germiyanê yek ji bazarên mezin ku weke Bazara Erzan tê naskirin dest bi boykotkirina malê tirk kir û biryar da ku êdî malê tirk neyîne

Li başûrê Kurdistanê boykotkirina malê tirk roj bi roj berfireh dibe. Di vê çarçoveyê de, li navçeya Kelar a Germiyanê, Bazara Erzan a Lande ku yek ji bazarên mezin a Kelarê ye boykotkirina malê tirkî ragihand.

Têkildarî boykotkirina malên tirk xwediyê bazarê Aso Endan ev agahî dan: “Di destpêka pêngava boykotkirina de, ziyanek mezin gihîşte min. Ew berhemên ku di nava dikana min de ne û marka wan Tirkiye ye, nêzî hefteyekê êdî xelk nakirin. Lewma min jî biryar da ku malê rirkî boykot bikin. Bi tu awayî neyînim. Ji roja çarşemê ve 6 caran malê tirkî bi wesayîtên mezin hatine, ji ber ku tirkî bûn, min nekirîn. Ez careke din qet malê tirkî naxime di nava dikana xwe de.”

Aso Endan aşkera kir ku sedema boykotkirina malê tirkî êrîşên wê yên li ser bakur û rojhilatê Sûriyeyê ye. KELAR

Dikarî Biecibînî