HSD’ê bîlançoya roja 30’emîn aşkera kir

Navenda Nûçeyan

HSD’ê bi daxuyaniyekê ragihand ku di nava 24 saetên dawî de di navbera hêzên wan û yên dagirker de şerekê giran qewimî. HSD’ê da zanîn ku di 24 saetên dawî de 13 çete hatin kuştin û 19 jî birîndar bûn. Her wiha HSD’ê ragihand ku di şer de 12 şervanên wan jî şehîd bûne

Navenda Ragihandin û Çapemeniyê ya Hêzên Sûriyeya Demokratîk (HSD) encama şer û pevçûnên di navbera hêzên wan û hêzên dagirker yên 24 saetên dawî de daxuyaniyeke nivîskî bi raya giştî re parve kir.

HSD’ê di daxuyaniyê de destnîşan kir ku artêşa tirk a dagirker û çeteyên wê tevî agirbestê jî bi hemû hêza xwe ya teknîkî ji bejahî û hewayî êrîşî rojavayê Kurdistanê û bakurê Sûriyeyê dikin. HSD’ê diyar kir ku hêzên dagirker êrîşên qirkirinê pêk tînin û agirbestê jî binpê dikin.

Daxuyaniya HSD’ê wiha dom kir:

TIL TEMIR

* Artêşa tirk a dagirker û çeteyên wê êrîşên xwe ji bejahî û hewayî bi balafir û çekên giran pêk tîne.

ZIRGAN

* Artêşa tirk a dagirker û çeteyên wê bi tang û çekên xwe yên giran êrîşî gundê Til Mihemed kirin.

EYN ÎSA

* Artêşa tirk a dagirker û çeteyên wê bi çekên giran û tangan êrîşî gundên Xirbet Faris, Şergirak, Zenûba, Mesûdiyê, Dibis, Xirbet Kerem, Qiz Elî, Kefîfa û Webdê kirin. Hêzên me di çarçoveya parastina rewa de bersiv da hemû êrîşan û şerekî giran qewimî. Di encama bersivdayîna hêzên me de li nêzî rêya M4 a navdewletî 2 seyareyên leşkerî, seyareyeke doçkabarkirî û tangek hatin rûxandin. Her wiha 13 çete û leşker hatin kuştin û 19 jî birîndar bûn. Her wiha tangek hat hedefgirtin, rextek û 3 çek jî hatin desteserkirin.

* Bi giştî di encama şer û pevçûnan de 13 çete û leşkerên tirk hatin kuştin û 19 jî birîndar bûn.

* Di vê berxwedanê de 12 hevalên me jî şehîd bûn û 7 hevalên me jî birîndar bûn.”

Dikarî Biecibînî