Li ser îxbara kesê nediyar heta 15 salan ceza tê xwestin

Dozgeriya Amedê der barê siyasetmedarê kurd Ercan Akyol de li ser îxbara kesê nediyar û bi hinceta qeyda wî di arşîvan de heye, bi daxwaza 15 salan doz vekir

Serdozgeriya Komarê ya Amedê der barê siyasetmedar û Rêveberê Partiya Herêmên Demokratîk (DBP) yê berê Ercan Akyol de li ser îxbara bi e-mailê hat kirin, bi daxwaza 15 sal cezayên girtîgehê doz vekir.

Piştî kesekî nasnameya wî nediyar li ser e-mailê îxbar kir, Midûriyeta Polîsan a Amedê der barê Akyol de bi îdiaya ‘Endamê rêxistina çekdarî ye’ lêpirsîn dan destpêkirin. Piştî miduriyeta polîsan lêpirsîn dan destpêkirin Serdozgeriya Komarê ya Amedê bi hinceta qeyda wî di arşîvan de heye der barê Akyol de îdianame amade kir û doz vekir. Dozger bi îdiaya ‘Endamê rêxistina terorê’ doz vekir û îdianame şand 10’emîn Dadgeha Cezayên Giran a Amedê. Heyeta dadgehê jî îdianame qebûl kir û doz vekir. Li gorî lêgerîna Bernameya Tora Daraza Neteweyî (UYAP) der barê Akyol de tu lêpirsîn tune ye. Li gel vê yekê der barê Akyol de li ser îxbara kesê nediyar doz hat vekirin. AMED

Dikarî Biecibînî