HSD’ê bîlançoya roja 32’yemîn a berxwedanê aşkera kir

Navenda Nûçeyan

HSD’ê bi daxuyaniyekê ragihand ku artêşa tirk a dagirker û çeteyên wê êrîşî gundê Qizalî û Mişêrfayê kirin û hêzên wan jî di çarçoveya mafê xweparastinê de bersiva dane. HSD’ê da zanîn ku di şer de gelek çete û leşker hatine kuştin

Navenda Ragihandin û Çapemeniyê ya Hêzên Sûriyeya Demokratîk (HSD) bi daxuyaniyekê nivîskî encama şer û berxwedana roja 32’yemîn a li rojavayê Kurdistanê bi raya giştî re parve kir.

Daxuyaniya HSD’ê wiha ye:

“Balafirên bêmirov ên artêşa tirk a dagirker bênavber li ser hemû herêmên bakurê Sûriyeyê geriyan û cih bi cih jî êrîşî herêmê kirin.

Artêşa tirk a dagirker û çeteyên wê li gundê Qizalî û Mişêrfayê êrîşî herêmên sîvîlan kirin û hewl dan ku herêmên nû dagir bikin. Hêzên me di çarçoveya parastina rewa de bersiva van êrîşan dan û di encamê de pevçûn qewimîn. Di encama pevçûnê de hejmarekê çeteyên artêşa tirk a dagirker hatin kuştin lê belê di der barê hejmarê de agahiyên zelal nehatin bidestxistin.

Di vê berxwedanê de 5 hevalên me şehîd bûn û 3 hevalên me jî birîndar bûn.”

Dikarî Biecibînî