Defend Rojava ji bo Rojava Meşên Berxwedan û Yekitiya Neteweyî li dar dixe

Navenda Nûçeyan

Platforma Defend Rojava li dijî êrişên dagirkeriyê yên li ser rojavayê Kurdistanê, dê di meha kanûnê de Meşên Berxwedan û Yekitiya Neteweyî li dar bixe. Platformê ji bo çalakiyan banga tevlêbûnê kir

Platforma Defend Rojava der barê êrîşên dagirkeriyê yên dewleta tirk ên dijî rojavayê Kurdistanê daxuyaniyek weşand û ji bo Meşên Berxwedan û Yekitiya Neteweyî banga tevlibûnê kir.

Di daxuyaniyê de hate ragihandin ku paqijiya etnîkî ya ku di 9’ê cotmehê de li dijî Rojava dest pê kir, li dijî tevahiya Kurdistanê hatiye plankirin û ev tişt hatin destnîşankirin: “Êrîşeke topyekûne ku ji bo destkeftiyên gelê me bi temamî tune bikin û nehêlin ku bibe xwedî statu hatine destpêkirin. Gelê kurd ê bi yekitiya xwe ya neteweyî, vê sedsalê bikin sedsala mafên wekhev û azadiyê yên kurdistaniyan û gelên herêmê. Ji bo vê jî dê bênavber li ber xwe bidin.”

Platformê ragihand ku ji bo xwedîderketina li gel, rûmet û xaka xwe dê di 5-6’ê kanûnê de ji Lozanê bimeşin Cenevreyê û ev tişt hatin gotin: “Di meşa xwe de em ê ji NY’yê û saziyên navneteweyî bixwazin ku li şûna li pêşberî komkujî û dagirkeriya dewleta tirk bêdeng bimînin û bibin hevpar, gavên berbiçav li dijî vê yekê biavêjin. Meşa dirêj dê bi beşdariya nûnerên partî û saziyên kurdistanî, hunermend, rewşenbîr û akademîsyenên kurdistanî pêk bê. Her wiha dê di 7’ê kanûnê de jî li tevahiya welat û eyaletên cîhanê meşên berxwedan û yekitiya neteweyî pêk werin. Em bang li her kesî dikin ku bi sekna neteweyî ya hevpar tev li çalakiyan bibin.”

Partî û saziyên ku banga tevlêbûnê kirin

Li gorî daxuyaniyê sazî û partiyên banga tevlêbûnê kirin wiha ne: “Kongreya Netewêyî ya Kurdistanê (KNK), Yekitiya Niştimanî Kurdistan (YNK), Partiya Demokratîk a Gelan (PYD) Kongreya Civaka Kurdistaniyên Ewropayê (KCDK-E ) , Tevgera Goran, Yekitiya Suryanên Ewropayê (ESU), Tevgera Jinên Kurdistanê yên Ewropayê (TJK-E), Partiya Demokrat a Kurdî ya Sûriyeyê (PDKS), Partiya Çep a Kurd Li Sûriyeyê, Tevgera Nûjen a Kurdistanî-Sûriyeyê, Partiya Demokrat a Kurd li Sûriyeyê 8 EL-PARTÎ), Partiya Demokrat a Pêşverû ya Kurd Li Sûriyeyê, Partiya Çep a Demokrat a Li Sûriyeyê, Partiya Yekitiya Kurd li Sûriyeyê, Partiya Rêkeftin a Kurd a Li Sûriyeyê, Partiya Çaksaziya Kurd a Li Sûriyeyê, Partiya Kesk a Kurdistanî ya Li Sûriyeyê, Partiya Demokrat a Kurdistanî ya Li Sûriyeyê, Partiya Komunist a Kurdistanî ya Li Sûriyeyê, Partiya Yekitiya Suryan a Li Sûriyeyê, Tevgere Azadî, NOR-ZARTOK, Partiye Jiyana Azad a Kurdistan (PJAK), Sazûmaniya Xebata Kurdistan a Îran, Partiya Serbestiya Kurdistanê, Partiya Yekitî, Partiya Îslamî ya Kurdistanê (PIK), Tevgere Kawa, Partiya Azadiye Kurdistanê, Rêxistina Kurdistaniyan Hizba Komunist a Li Îranê, Revolutionar -Union Of Kurdistan, KOMALA- Kurdistan organisation of Communist Party of Iran, Civaka Demokratîk û Azad a Rojhilatê Kurdistanê (KODAR), Civaka Jinên Rojhilatê Kurdistanê (KAR), Partiya Komunist a Kurdistanê (KKP), Partiya Azadî ya Mezopotamyayê, Komeleya Piştevaniya Mezopotamyayê, Platforma Demokratîk a Platforma Yarsan Îran, Kongreya Gel a Mezopotamyayê, Welt Kurdische Organisation (wko) .ev., Sazûmaniya Xebatan Kurdistan Îran, Platforma Yarsan, Platforma Zagros, Platforma Hora, Yekitiya Şoreşgeran, Yarikurd Organization Yarsan Democratic Organization, Tevgerê Demokratîk a Yarsan, Kurdischer Geminde Stuttgart, NAVEN e. Federesyona Elewiyên Kurdistan(FEDA), Federasyona Komeleyên Ezidiyan (NAV – YEK), Kurdische Zentrum Berlin, Civaka Îslamî ya Kurdistanê (CÎK), Enstîtuya Kurdî – Almanya, Enstîtuya Kurdî – Bruksel, Meclisa Şengalê ya Derveyî Welat (MŞD), Yekitiya Mamostayên Kurdistanê (YMK), Yekitiya Êzdiyên Sûriyeyê (YES), Kurdisch Gemeînde Brandenburg – Berlîn, Mala Kurd a Berlînê, Komela Rojan Nivîskar – Berlîn, Komela Rojava Berlîn, Mala Gelê Kurdistanê, Kurdische Frauen im Exil, The Socialist Trend of koala, Welt Kurdische Organisation (WKO), Dachverband Der Êzidischen Frauenräte, NAVEND- Center for Kurdish Studies e.V., Democratic Kurdish Federation of Canada, Federation of Democratic Kurdish Society-Australia (FDKS-A), The Greater Toronto Kurdish House/Canada, Iraqi Minority group Toronto/Canada, Iraqi Woman society Toronto/Canada, KURDISH HOUSE IN LEEDS, Kurdish Center For Human Rights.”

Dikarî Biecibînî