Şahidê komkujiya Dêrsimê hat definkirin

Dengbêj Suleyman Dogan ku weke şahidê komkujiya Dêrsimê bi navê  ‘Silo Qiz’ dihat nasîn, li Dêrsimê bi beşdariya bi sedan kesî ve hat veşartin

Dengbêj Suleyman Dogan ku weke şahidê komkujiya Dêrsimê bi navê ‘Silo Qiz’ dihat nasîn, duh jiyana xwe ji dest dabû. Dogan îro li Dêrsimê hat veşartin. Ji bo Dogan destpêkê, li Mala Cemê ya Piştevanî û Berbelavkirina Çanda Haci Bektaş-i Velî, merasîmek hat lidarxistin. Zarok û neviyên dengbêj Dogan, Şaredarê Dêrsimê Mehmet Fatîh Maçoglû, şaredarên navçeyan, HDP’ê ya Dêrsimê, nûnerên rêxistinên sivîl û bi sedan kes tev li merasîmê bûn.

Beriya merasîma li Mala Cemê, stranên Dogan hatin guhdarkirin. Lêkolîner û nivîskar Cemal Taş û li ser navê hunermendên Dêrsimê Mazlûm Buyuktaş, çend beşên jiyana xwe Dogan vegotin.

Piştî merasîma li Mala Cemê, cenazeyê Dogan, li gundê Mîlû yê girêdayî navenda Dêrsimê, ji aliyê bi hezaran hezkiriyên wî ve hat veşartin. DÊRSIM

Dikarî Biecibînî