Zarokê ku li Erdîşê winda bû cenazeyê wî hate dîtin

Cenazeyê zarokê 13 salî Serkan Taşdenîz ku duh li navçeya Erdîşê winda bûbû, hate dîtin. Hat ragihandin ku qirika Taşdenîz jê hatiye kirin û serûçavên wî jî hatiye parçekirin

Zarokê 13 salî Serkan Taşdenîz ku duh li navçeya Erdîş a Wanê winda bûbû, hate dîtin. Li gorî malperên nûçeyan ên herêmî, Taşdenîz duh piştî ku bi dayika xwe re çûye bazarê û hatiye malê, saet di derdora 14.0’an de winda bû. Malbat piştî ku li kurê xwe geriya û nedît, rewş ji cendirmeyan re ragihand.

Di encama lêkolîna berfireh ku ji aliyê cendirmeyan ve hate destpêkirin, cenazeyê Taşdenîz li qeraxê çemê Xilxila yê nêzî mala wan hate dîtin. Cenazeyê Taşdenîz di rewşeke ku qirika wî hatibû jêkirin û serûçavê wî hatibû parçekirin hate dîtin.

Piştî lêkolîna dozgeriyê ya li cihê bûyerê, cenazeyê Taşdenîz ji bo karên otopsiyê rakirin Morga Nexweşxaneya Dewletê ya Erdîşê. Der barê cînayetê de lêpirsîn hate destpêkirin. WAN

Dikarî Biecibînî