Jinên ciwan tecrîdê şermezar kirin

Yekitiya Jinên Ciwan a kantona Hesekê bi daxuyaniyek diyar kir ku dewleta tirk her roj tecrîda li ser Ocalan giran dike û ji bo rakirina tecrîdê banga bilindkirina têkoşînê kir

Dewleta tirk a dagirker binpêkirinên li dijî Rêberê Gelê Kurd Abdullah Ocalan û tecrîdê didomîne û nahêle ku hevdîtinê bi malbat an jî parêzerên xwe re pêk bîne.

Di vê derbarê de Yekitiya Jinên Ciwan a kantona Hesekê bi daxuyaniyekê tecrîdkirina Ocelan şermezar kir. Berdevak Meclisa Ciwanên Partiya Yekitiya Demokratîk (PYD) Ahîn Elî daxuyanî li pêşiya dibistana Fewaz Çolî ya taxa Nasrayê xwend.

Elî anî ziman ku dê berxwedana ciwanan a ji bo şikandina tecrîdê dewam bike û wiha got: “Ji bo şikandina tecrîdê û azadiya rêber Ocalan, em ê li ber xwe bidin. Di 15`ê Sibata 1999’an de, dewletên komploger xwestin ku roja me tarî bikin. Li gorî berjewendiyên xwe yên kaptalîzmê kar kirin û li ser şikandina vîna gelên herêmê li hev kirin.”

Ahîn Elî bi bîr xist ku dewleta tirk her roj tecrîda li ser Ocalan giran dike û li dijî hemû gelên azadîxwaz disekine û ev tişt anî ziman: “Tevî ku 21 sal di ser re derbas bûn, lê belê ev komploya navdewletî hîn dewam dike. Her wiha berxwedan jî berdewam e. Hemû ciwanên ku bi rêber Ocalan ve girêdayî ne, teqez dikin ku dê li ser fikrê Ocalan bijîn. Bi taybetî jî jinên ku bi saya rêber Ocalan ji tarîtiya civakê xwe rizgar kirin.” HESEKÊ

Dikarî Biecibînî