Di çalakiya HRE’yê de 2 leşkerên tirk hatin kuştin û 5 jî birîndar bûn

Navenda Nûçeyan

HRE’yê bi daxuyaniyekê ragihand ku di encama çalakiyên hêzên wan de li Efrînê 2 leşkerên artêşa tirk a dagirker hatine kuştin û 5 jî birîndar bûn

Hêzên Rizgariya Efrînê (HRE) bi daxuyaniyeke nivîskî têkildarî çalakiyên hêzên wan ên li dijî artêşa tirk û çeteyên wê daxuyaniyeke nivîskî weşand. HRE’yê da zanîn ku li Efrîn û derdora wê çalakî û operasyonên hêzên wan ên li dijî artêşa tirk a dagirker û komên wê yên çete bênavber didomin.

HRE’yê destnîşan kir ku hêzên wan di 11’ê çileyê de li derdora gundê Basûfan ê Şêrawa ya Efrînê li dijî baregeheke leşkerî ya artêşa tirk çalakiyeke bi bandor pêk anî û wiha domand: “Di çalakiyê de 2 leşkerên dagirker hatin kuştin û 5 jî birîndar bûn. Di heman demê de hêzên me li derdora gundê Meryemîn ê Şerayê li dijî baregheke leşkerî ya artêşa tirk a dagirker çalakî pêk anî lê encamên wê nehat zelalkirin.”

Di berdewamê de jî HRE’yê daxuyand ku artêşa tirk a dgirker û çeteyên wê bi obusan gundên Başemrê, Soxanekê, Tinnib, Şewarxa, Malîkiyê û Merenazê topbaran kirin û gundê Şewarxa yê jî bi droneyê bombebaran kirin. HRE’yê da zanîn ku di encama êrîşan de ziyanên madî pêk hatin.

Dikarî Biecibînî