Çalakiya malbatan bû sedema girtina qehwexaneyê!

Hin malbat bi angaşta ‘HDP’ê zarokên wan biriye serê çiya’ li ber HDP’ê dest bi çalakiya rûniştinê kiribûn. Ji bo malbatan li ber HDP’ê kon hat vedan û ceryana kon ji qehwexaneya li hember wê anîn. Ji ber heqê fatûreya ceryanê nehat dayîn DEDAŞ’ê ceryan birî û qehwexane neçar ma ku derabeya xwe bigire

Li Amedê hin malbat bi angaşta ‘HDP’ê bi darê zorê zarokên wan şandiye serê çiya’ ji 3’yê îlona 2019’an ve li ber avahiya HDP’ê çalakiya rûniştinê lidar dixin. Bi piranî jî malbatên leşker û polîsên ji aliyê HPG’ê ve hatine revandinê ne. Niha nêzî 15 malbat bendemayîna xwe didomînin.

Piştî ku zivistan destpê kir Midûriyeta Polîsan a Amedê, otobusa HDP’ê ji ber avahiyê bi vîncê rakir û ji van malbatan re kon veda. Ji bo sobeyan ceryan ji Qehwexaneya Turkuaz a li hember HDP’ê hat kişandin û ceryanê bikar anîn. Gelek sobeyên ceryanê di hundirê kon de hene. Ji ber van sobeyan heqê fatûreya ceryanê ya qehwexaneyê gelek zêde hat. 4 hezar û 500 lîre fatûre ji xwediyê qehweyê re birîn û xwedî ji ber zêdebûnê fatûre ranezand.

Bi boneya heqê fatûreya ceryanê nehat dayîn, DEDAŞ’ê ceryana qehwexaneyê birî. Li ser vê yekê xwediyê qehwexaneyê jî derabeyên xwe daxist û kargeha xwe girt. AMED

Dikarî Biecibînî