Li dijî komploya navneteweyî li Parîsê meşa dirêj dest pê kir

Li paytexta Fransayê Parîsê li dijî Komploya Navneteweyî ya 15’ê Sibatê ya li ser Rêberê Gelê Kurd Abdullah Ocalan meşa dirêj ku dê 3 rojan berdewam bike, dest pê kir

Bi pêşengiya Konseya Kurd a Demokratîk a Fransayê (CDK-F) û Tevgera Jina Kurd a Fransayê (TJK-F), li Vîlleneûve Saînt Georges a Parîsê bi dirûşma ‘Ji Ocalan re Azadî’ meşa dirêj hate destpêkirin. Starta meşê saet 12:00’an de ji pêşiya şaredariya Vîlleneûve Saîntê dest pê kir.

Li pêşiya şaredariyê seroka Şaredariya Vîlleneûve Saînt Georges Sylvîe Altman û endamê Desteya Dîwana KCDK-E’yê Mûrat Ceylan axivîn. Altman diyar kir ku divê di serî de Fransa, têkoşîn û fedekariya jina kurd û gelê kurd a li dijî çeteyên DAIŞ’ê nîşan dayî ji bîr neke. Altman destnîşan kir ku divê PKK ji lîsteya terorê bê derxistin û Ocalan bê azadkirin.

Mûrat Ceylan jî anî ziman ku bi boneya salvegera 21’emîn a Komploya Navneteweyî ya li ser Ocalan şermezar kir û wiha domand: “Bi komploya navneteweyî xwestin pêşî li ramanên Rêber Apo bigirin. Lê ev hewldan bi lehengî û berxwedana fedayî ya Rêber Apo û hevrêyên wî vala derket. Heta Rêbertiya xwe bi fîzîkî azad bikin dê berxwedana me bidome.”

Hat zanîn ku di çalakvan dosyayeke têkildarî tecrîd û komploya li ser Ocalan, radestî rayedarên dewletê bikin.

Tê payÎn ku meş di roja yekşemê saet di 13:00’an de bi mîtîngekeke girseyî li Qada Repûblîqûeyê bi dawî bibe. PARÎS

Dikarî Biecibînî