Ciwan 4 roj in li dijî tecrîdê dimeşin

Meşa Dirêj a li dijî komploya navneteweyî ya 15'ê Sibatê dest pê kir, di roja çaremîn de ye. Ciwanan ji bajarê Bensheîmê dest bi roja çaran a meşê kirin

Meşa Dirêj a ku ji bo şermezarkirina komploya navneteweyî ya 15’ê Sibatê li bajarê Frankfûrtê yê Almanyayê dest pê kir, di roja 4’emîn de ye.

Beşa îro ya meşê li bajarê Bensheîmê bi dirûşma ‘Bê Serok jiyan nabe’ dest pê kir.

Ciwanên ku bi dirûşma ‘Rê nede tecrîdê, bi Rêber Apo re azad bibe’ ber bi bajarê Saarbruckenê ve dimeşin, dê îro bi 20 kîlometreyan bimeşin.

Ciwanên kurd û enternasyonalîst li dijî provokasyonên polîsên alman bi qîrîna dirûşma ‘Bijî Serok Apo’ dimeşin.

Ciwan hewl didin nekevin xefika provokasyonan û meşa xwe bi ser bixînin.

Beşa îro ya meşê wê li bajarê Mannheîm ê Almanyayê bi dawî bibe.

Nêzî 100 ciwanên meşvan wê li Navenda Civaka Demokratîk a Kurd li fîlmê ‘Banga Rojê’ temaşe bikin.

Çalakgerên ku duh li Darmstadt-Lûîsenplatzê li hev kom bûn, bûn hedefa êrîşa polîsan û ciwanekî alman ji nava çalakgeran hate binçavkirin. BENSHEÎM 

ANF Images
Dikarî Biecibînî