Li Yewnanistanê Meşa Dirêj dest pê kir

Li Yewnansitanê, li dijî komploya navneteweyî ya 15'ê Sibatê Meşa Dirêj a ji bo 3 rojan dest pê kir

Li bajarê Lavrîo yê li başûrê rojhilat ê paytexta Yewnanistan Atînayê, ji bo şermezarkirina komploya navneteweyî ya di 15’ê Sibatê de li dijî Rêberê Gelê Kurd Abdullah Ocalan hate kirin, meşeke dirêj dest pê kir. Meşa ku dê sê rojan bidome, bi pêşengiya Tevgera Ciwanên Şoreşger bi dirûşma ‘Azadî ji Rêber Ocalan re, statu ji Kurdistanê re’ saet di 10:00 de li Kampa Lavrîoyê dest pê kir.

Ji çar parçeyên Kurdistanê 70 ciwan tev li meşê bûn. Di meşê de posterên Ocalan û alên PKK’ê hatin hildan. Meşvan dirûşmên bi yewnanî, kurdî û tirkî qiriyan. Penaberên li Lavrîoyê û şêniyên bajarê Lavrîoyê heta derketina ji bajêr bi çalakgeran re meşiyan.

Meş dê li navenda bajarê Atînayê di 15’ê Sibatê de bi dawî bibe. Piştre saet di 15:00 de ber bi Sefaretxaneya Bilind a Tirk a li Atînayê ve meşeke girseyî bê kirin. ATÎNA 

Dikarî Biecibînî