Li Hewlêrê komploya 15’ê Sibatê hate şermezarkirin

Li bajarê Hewlêrê bi tevlibûna dehan kesî komploya hemberî Rêberê Gelê Kurd Abdullah Ocalan bi meşek girseyî hate şermezarkirin

Li bajarê Hewlêrê li dijî komploya navnetewî a li hemberî Rêberê Gelê Kurd Abdullah Ocalan meşek hate lidarxistin. Bi dehan kes ji bo şermezarkirina komploya hemberî Ocalan, li ber derê îqameya Hewlêrê kombûn û dest bi meşê kirin. Meş heya ber derê ofîsa Neteweyên Yekbûyî dewam kir.

Piştî girse gihiştin ber derê ofîsa Neteweyên Yekbûyî daxuyaniyek li ser navê Komîteya Azadî ji bo Ocalan ji aliyê Mistefa Idrîs ve hate xwenin. Di daxuyaniyê de banga dawîanîna tecrîda li ser Ocalan hate kirin û azadiya Ocalan hate xwestin. Her wiha hate gotin ku tevî tecrîda girankirî jî, Ocalan karî hemû komployan pûç bike.

Di dewama daxuyaniyê de hate diyarkirin ku Ocalan her tim ji bo aştiyê xebitye û wiha hate gotin:  “Rejîma Tirkiyeyê giringiyê neda aştiyê, tecrîdê hîn zêdetir kir. Her wiha êrîşên ser gelê kurd zêdetir kir. Komkujî pêkanî û siyaseta xwe ya qirkirinê zêdetir kir.”

Her wiha hate gotin ku tecrîdek girankirî li ser Ocalan heye û bêdengiya civaka navnetewî hate şermezarkirin û bang li civaka navnetewî hate kirin da ku li ser mijarê erkê xwe yê exlaqî û mirovane pêk bîne. HEWLÊR

Dikarî Biecibînî