Rojnameger Îdrîs Sayilgan hate girtin

Rojnameger Îdrîs Sayilgan ku li Edîrneyê dema rewşa penaberan dişopand hatibû binçavkirin, hate girtin

Nûçegihanên Ajansa Mezopotamyayê (MA) Îdrîs Sayilgan û Nacî Kaya ku duh ji bo şopandina rewşa koçberên berê xwe dan Yewnanistanê çûbûn bajarê Edîrneyê, hatibûn binçavkirin.

Rojnameger Sayilgan û Kaya ji ber biryara ‘Qedexeya derketina derveyî welat’ tên darizandin. Her du rojnameger bi rêya SEGBÎS’ê beşdarî rûniştinên darizandinê bûn. Di encama darizandinê de dadgeriyê der barê Kaya de biryara berdanê da lê hê jî binçavkirî ye.

Her wiha rojnameger Sayilgan jî di danê sibehê de sewqî Edliyeya Edîrneyê hate kirin. Sayilgan ku Dadgeha Cezayên Giran a Mûşê 8 sal û 3 meh cezayê girtîgehê lê birî ye, bi rêya SEGBÎS’ê tev li 2’yemîn Dadgeha Edliyeyê ya Herêmê ya Erziromê bû.

Heyeta dadgehê biryara girtina Sayilgan da. Dadgehê îdia kir ku li gorî ‘delîlên’ li ber dest, ev biryar hatiye dayîn. Dadgehê destnîşan kir ku ger nûçeyên li herêmê hatin amadekirin di dema îtirazê de weke delîl bên pêşkêşkirin, dê bên nirxandin.

Rojnameger Sayilgan şandin Girtîgeha Tîpa F ya Edîrneyê. EDÎRNE

Dikarî Biecibînî