Artêşa tirk Qendîl û Xakûrkê bombebaran kir

HPG’ê diyar kir ku artêşa tirk di 10'ê adarê de Qadên Parastinê yên Medyayê bombebaran kirin. HPG’ê da zanîn ku di bombebaranê de 3 gerîla şehîd bûne

Navenda Nûçeyan |

Navenda Ragihandin û Çapemeniyê ya HPG’ê der barê êrîşên hewayî ya di 10’ê adarê de daxuyanî da.

HPG’ê da zanîn ku balafirên artêşa tirk di 10’ê adarê de êrîşî Herêmên Parastinê yên Medyayê kir û ev agahî dan: “Balafirên şer saet di 12.00’an de qada Kalatûka, Girên Savaş û Hîva yên Qendîlê, saet di 13.00’an de qada Goşîne ya herêma Xakurkê û saet di 16.00’an de jî qada Sininê ya herêma Xakurkê bombebaran kirin.”

Di berdewamê de jî HPG’ê diyar kir ku di encama êrîşan de li herêma Xakurkê 3 hevalên wan şehîd bûne û dê nasnameyên wan piştre bi raya giştî re parve bikin.

Dikarî Biecibînî