Midûrê girtîgehê gefa ‘Ger hewce bike ez ê we bikujim’ li girtiyan xwar

Gardiyanên li Girtîgeha Tîpa T a Manîsayê îşkence li girtiyên ku hejmartina li ser pêyan red kirin, kirin. Girtiyan da zanîn ku ji ber îşkenceyê hestî û parsûyên wan hatine şikandin. Midûrê girtîgehê jî gefa; ‘Ger hewce bike ez ê we bikujim’ li girtiyan xwar

Di roja pênceşemê de li Girtîgeha Tîpa T a Manîsayê 20 girtiyên ku di qawîşekê de hejmartina li ser pêyan red kirin, rastî êrîşa gardiyanan hatin. Girtî di dema êrîşê de hatin îşkencekirin.

Ji girtiyan Mehmet Tekîn (46) ê ku 24 sal in di girtîgehê de ye, dema ku bi birayê xwe Haci Tekîn re bi rêya telefonê axivî, qala êrîşê kir. Tekîn da zanîn ku hestî û parsûyên birayê wî hatine şikandin û xwîn ji lingê wî hatiye.

‘Ya hatiye kirin zilm e’

Di berdewamê de jî Tekîn bi lêv kir ku di sergirtina qawîşekê de pirtûk, rojnivîsk û gelek alavên wan hatine parçekirin. Tekîn ku êrîşa heyî weke zilm pênase kir wiha domand: “Li wê derê li hemû girtiyan xistine. Hestî û parsûyên kekê min şikandin û her tim ji lingê wî xwîn tê. Her wiha midûrê girtîgehê gefa ‘ger pêwîst be ez ê we bikujim’ li girtiyan xwar.”

Herî dawî jî Tekîn ev tişt anî ziman: “Divê çareyek ji vê rewşê re bê dîtin. Birayê min nexweş e. Ji ber kîsta li ser mejiyê wî, gelek caran rakirine nexweşxaneyê. Lê li revîrê bijîşk bi girtiyan re eleqedar nabin.” AMED

Dikarî Biecibînî