Li Efrînê 7 dagirker hatin kuştin

HRE’yê bi daxuyaniyekê ragihand ku hêzên wan li dijî artêşa tirk a dagirker û çeteyên wê çalakî pêk anîn. HRE’yê diyar kir ku di van çalakiyan de 7 çete hatin kuştin û 19 jî birîndar bûn

Navenda Nûçeyan |

Hêzên Rizgariya Efrînê (HRE) li ser çalakiyên dawî yên hêzên xwe daxuyaniyek weşand.

HRE’yê da zanîn ku hêzên wan di 16’ê adarê de li Efrînê li hemberî bendeke kontrolê ya çeteyan çalakiyeke sabotajê pêk anî. HRE’yê da zanîn ku di encama çalakiyê de 4 çete birîndar bûn û wiha domand: “Di 18’ê adarê de jî hêzên me li navenda Efrînê rêzeçalakiyên sabotajê pêk anîn. Di van çalakiyan de 6 çete hatin kuştin û 15 jî birîndar bûn.”

Di berdewamê de jî HRE’yê ev agahî dan: “Li gundê Celemê yê Cindirêsê hêzên me li hemberî çeteyên dagirker çalakiyek kir. Di çalakiyê de çeteyek hate kuştin û wesayîtek hat rûxandin. Artêşa tirk a dagirker û çeteyên wê jî gundên Efrîn û Şehbayê bênavber topbaran dikin.”

Dikarî Biecibînî