Li Efrîn û Mareyê 11 çete hatin kuştin

HRE’yê da zanîn ku di encama çalakiyên hêzên wan ên di rojên dawî de li Efrîn û herêmên derdora wê 11 çete hatin kuştin û 11 çete jî birîndar bûn

Navenda Nûçeyan |

Hêzên Rizgariya Efrînê (HRE) bi daxuyaniyeke nivîskî der barê çalakiyên xwe yên rojên dawîn ên li dijî artêşa tirk a dagirker û çeteyên wê de agahî dan.

HRE’yê diyar kir ku hêzên wan di 8’ê adarê de li gundê Arab Wêran ê Şera ya Efrînê çalakiyeke sabotajê pêk anî û di çalakiyê de 3 çete hatin kuştin. HRE’yê da zanîn ku di 9’ê adarê de jî li gundê Şiltatê yê Şera li dijî çeteyên dagirker çalakiyeke sabotajê pêk anîn û di çalakiyê de 2 çete hatin kuştin û 2 jî birîndar bûn.

Daxuyaniya HRE’yê wiha dom kir: “Hêzên me di 11’ê adarê de li derdora Mareyê çalakiya sekvaniyê pêk anî û çeteyek hate kuştin. Di 18’ê adarê de jî hêzên me li taxa Mehmûdiye û Eşrefiyê yên Efrînê 2 çalakiyên sabotajê pêk anîn û di encamê de li Mehmûdiyê 2 seyare hatin derbkirin û 2 çete jî birîndar bûn. Li Eşrefiyê jî ziyanên madî çêbûn. Hêzên me li gundê Kosa yê Racoyê jî li dijî benda kontrolê çalakiyek serdagirtinê kir û di çalakiyê de 2 çete hatin kuştin û 3 jî birîndar bûn.”

Herêmê tê topbarankirin

Daxuyanî wiha bi dawî bû: “Hêzên me li gundê Abîdana yê Bilbilê li dijî benda kontrolê çalakiyeke sabotajê pêk anî û di encamê de 2 çete hatin kuştin û yek jî birîndar bûn. Di 19’ê adarê de jî hêzên me li derdora Mareyê li dijî noqteyên çeteyan çalakiyek li dar xist û di encamê de çeteyek hate kuştin û 3 jî birîndar bûn. Her wiha artêşa dagirker jî gund û navçeyên girêdayî Efrîn û Şehbayê bê navber topbaran dikin û li herêmê tevgera balafirên bêmirov berdewam dike.”

Dikarî Biecibînî