Li taxa Ben û Senê agirê Newrozê pê xistin

Li taxa Ben û Sen a Amedê zarokan agirê Newrozê pêxist û li derdora agir bi keyfxweşî lîstin

Îro 21 Adar Cejna Newrozê ye. Her sal cejna Newrozê di serî de li Amedê, li tevahiya Kurdistanê bi tevlêbûna bi milyonan bi coşeke mezin tê pîrozkirin. Lê ji ber vîrûsa koronayê hemû pîrozbahiyên Newrozê yên girseyî îsal hatin qedexekirin. Ji ber vê sedemê jî li seranserî Kurdistanê gelê kurd li malên xwe, li şaneşînên xwe û gelek kesan jî bi komên biçûk li kolanan agirê Newrozê pê xist û tev li coşa Newrozê bûn.

Li Amedê jî şevê din li ser banga Partiya Demokratîk a Gelan (HDP) gelê Amedê bi pêxistina agir, berzkirina tilîliyan, lêdana çepikan û bi dirûşman Newroz pêşwazî kir.

Agirê Newrozê îro dîsa li gelek navçe û gundên Amedê hate pêxistin. Yek ji van cihan jî taxa Ben û Sen a Amedê bû. Zarokên ku agirê Newrozê pêxistin, li derdora agir bi keyfxweşî lîstin. AMED

Dikarî Biecibînî