Şerma mirovahiyê: Polîsan bêyî ku cenazeyê Bolek bê şûştin da definkirin

Polîsan êrîşî merasîma definkirina cenazeyê endama Grup Yorumê Helîn Bolek kir û nehişt ku cenaze li Mala Cemê ya Okmeydaniyê bê şûştin. Ji ber zexta polîsan, cenaze bêyî ku bê şûştin hate definkirin

Polîsan merasîma cenazeyê endama Grup Yorumê Helîn Bolek ku di roja 288’emîn a rojiya mirinê de duh li Stenbolê jiyana xwe ji dest dabû, asteng kirin. Polîsan destûr nedan ku cenaze bê şûştin. Cenazeyê Bolek beyî ku bê şûştin bi zorê dan definkirin.

Malbatê cenazeyê Bolek ê li ‘Mala Berxwedanê’ ya Taxa Armutlu ya Sariyerê hilgirt û ji bo ku li Mala Cemê ya Okmeydaniyê bê şûştin, di saetên serê sibehê de derxist rê. Polîsan pêşiya wesayîta cenazeyê girtin û destûr nedan ku bibin. Ji wir jî cenaze şandin Goristana Ferîkoyê.

Polîsan destûr nedan ku kes bikeve goristanê. Tenê destûr ji bo malbatên Helîn Bolek û Îbrahîm Gokçek û parêzerên wan hate dayîn ku bikevin goristanê. Polîsên ku bi zorê cenaze anîn goristanê xwestin ku cenaze neşûştî bê definkirin. Malbatê jî destnîşan kir ku heta cenazeyê keça xwe neşûn, dê defin nekin.

Lê polîsan ev yek red kir. Li ser vê yekê jî malbata Boyek neçar ma ku cenazeyê keça xwe neşûştî defin bike. STENBOL

Dikarî Biecibînî