Li Rojava qedexeya derketina derve hate dirêjkirin

Rêveberiya Xweser a Bakur û Rojhilatê Sûriyeyê dema qedexeya derketina derve ji bo 15 rojên din jî dirêj kir

Navenda Nûçeyan |

Rêveberiya Xweser a Bakur û Rojhilatê Sûriyeyê di çarçoveya tevdîrên li dijî vîrûsa koronayê (Covîd-19) de di 23’yê adarê de ji bo 15 rojan qedexeya derketina derve ragihandibû. Rêveberiyê îro bi giştînameyekê dema qedexeya derketina derve bi 15 rojên din jî dirêj kir.

Daxuyaniya Rêveberiya Xweser a têkildarî mijarê wiha ye:

“Ji bo parastina berjewendiyên giştî û zêdekirina li ser biryara bi hejmara 29’an a 19.03.2020’an hevserokatiya Meclisa Rêveber a Bakur û Rojhilatê Sûriyê ev biryar da;

*Dema qedexeya derketina derve li gorî biryara bi hejmara 29’an a 19.03.2020’an ji sibê ve heta 15 rojên dîtir hat dirêjkirin anku ji 07.30.2020’an heta 21.04.2020’an.

– Li gorî benda 4’an a biryara bi hejmara 29’an a 19.03.2020’an jî dermanxaneyên çandinî û beyteriyê, dikanên sererastkirina parçeyên alavên çandiniyê (patoz, traktor û hwd.) divê ji saet 5’ê berêvarê heta 1’ê sibeha roja din vekirî bin.

– Bi vê biryarê kesên têkildar tên agahdarkirin.”

Dikarî Biecibînî