Rêveberiya Xweser faturayên du mehan ên av, ceryan û paqijiyê betal kir

Hevserokatiya Meclisa Rêveber a Rêveberiya Xweser a Bakur û Rojhilatê Sûriyeyê bi mebesta alîkariya bi gel re, dayîna fatureyên av, ceryan û paqijiyê yên 2 mehan betal kir

Navenda Nûçeyan |

Rêveberiya Xweser a Bakur û Rojhilatê Sûriyeyê bi armanca pêşîlêgirtina belavbûna vîrûsa koronayê (Covîd-19) gelek tevdîr girtin. Yek ji van tevdîran jî ew bû ku rêveberiyê di 23’yê nîsanê de ji bo 15 rojan qedexeya derketina derve ragihandibû. Rêveberiya Xweser îro bi daxuyaniyeke din diyar kir ku careke din ji bo 15 rojan qedexeya derketina derve ragihandî ne.

Hevserokatiya Meclisa Rêveber a Rêveberiya Xweser a Bakur û Rojhilatê Sûriyeyê bi daxuyaniyeke din aşkera kir ku biryara efûkirina tevahî faturayên av, ceryan û paqijiyê yên mehên gulan û hezîranê dane.

Hevserokatiyê di biryara xwe de destnîşan kir ku ev weke alîkariya bi welatiyan re ya di dema qedexeya derketina derve de ye.

Dikarî Biecibînî