Leşkerên tirk li Çewlikê kêlên gorên gerîlayan şikandin

Hovîtiya dewleta tirk a li hemberî gelê kurd û nirxên wan bênavber didomin. Artêşa tirk li Çewlikê êrîşî gorên gerîlayan kirin û kêlên gorên gerîlayan şikandin

Êrîşên dermirovî yên dewleta tirk ên li dijî nirxên gelê kurd berdewam in. Piştî Wan, Mûş û Amedê, niha jî leşkerên dewleta tirk li Çewlikê êrîşî gorên gerîlayan.

Leşkeran di 14’ê nîsanê de bang li malbata gerîlaya YJA Starê Sevda Serînyel a li gundê Karer ê navçeya Îbrahîman a Çewlikê ku di sala 2017’an de jiyana xwe ji dest dabû kiribû ku biçin qereqolê. Fermandarê qereqolê ji malbatê pirsa ‘Kê kêlên goran çêkiriye, we tev malbata bi hev re çêkiriye?’ piştre jî daxwaz ji malbata Serînyel kir ku biçin kêlên goran bişikînin. Endamên malbatê yên qebûl nekirin diyar kirin ku ti sûcekî yê kêl çêkirinê nîne û şikandina gorê red kir.

Piştî bûyerê kêla gora gerîla Serînyel ku li ser nivîsên ‘Ji bo bijîn me çiqas berdêl dan’ û ‘Mercan’ li ser hebûn, ji aliyê leşkerên tirk ve hate şikandin. Piştî şikandina kêla Serînyel, leşker zextê dikin ku malbat wêneyê li ser kêlê jî rakin. Ji bo êrîşeke din pêk neyê malbat li goristanê nobedê digire.

Her wiha li gundê Karer û derdora wê ya navçeya Îbrahîman a navenda Çewlikê jî leşkeran êrîşî gorên gerîlayên HPG’ê yên li 9 gundên elewiyan kirin û gorên hinek kêlan şikandibûn. Leşkerên tirk li malbatan digerin û dibêjin; ‘Biçin kêlên şikestî paqij bikin.’ ÇEWLIK

Dikarî Biecibînî