Li Bedlîsê 11 leşker hatin kuştin

HPG’ê bi daxuyaniyekê ragihand ku hêzên wan di 2 û 3’yê gulanê de li Bedlîsê li dijî artêşa tirk çalakî pêk anîn. HPG’ê da zanîn ku di çalakiyan de 11 leşkerên tirk hatine kuştin

Navenda Ragihandin û Çapemeniyê ya HPG’ê bi daxuyaniyekê ragihand ku hêzên wan li Bedlîsê li dijî hêzên artêşa tirk çalakiyeke bi bandor pêk anî.

HPG’ê diyar kir ku hêzên wan di 2’yê gulanê de li qada Satê ya Bedlîsê yekîneyeke artêşa tirk xist bin kontrola xwe û piştî şopandineke dirêj, saet di 18.00’an de bi ser yekîneyê de girtiye. HPG’ê da zanîn ku hêzên wan ketin nav yekîneya artêşa tirk û ev agahî dan: “Ev çalakî bi tarzê fetihkirinê hatiye kirin û 7 leşkerên tirk hatine kuştin. Hêzên me BKC’yek û zîncîreka wê, çekeke sûîqestê ya Bora û dûrbîna wê, çekeke M16, dûrbîneke şevê û dûrbîneke rojê jî ji ser cenazeyan rakiriye. Yekîneya me ya ku ev çalakî li dar xistiye, bi selametî vegeriyaye baregeha xwe.”

Bi domdarî jî HPG’ê ev agahî parve kirin: “Artêşa tirk a dagirker ji zû ve ye li Goristana Şehîdan a Xerzanê ya li Qada Şehîd Mizgîn a Bedlîsê daran dibire. Dagirker ji bo ewlehiya vê koma ku daran dibire, yekîneyên veşartî li Girê Şehîd Sorxwîn bi cih kiriye. Hêzên me di 3’yê gulanê saet di 17.20’an de li vê yekîneyê da. Bi qasî ku hatiye tespîtkirin 4 leşkerên vê yekîneyê hatine kuştin. Yekîneya me ya ku ev çalakî li dar xistiye, bi selametî vegeriyaye baregeha xwe.” BEHDÎNAN

Dikarî Biecibînî