Li Girtîgeha Xarpêtê li girtiyên jin dane

Kader Peker ku di Girtîgeha Jina ya Xarpêtê de ye, ji ber ku li ber biryara kêmkirina dema derketina hewşê rabûye, gardiyanan li wê û hevaleke wê xistiye.

Kader Peker ku di Girtîgeha Jina ya Xarpêtê de ye, ragihand ku ji ber ku li ber biryara kêmkirina dema derketina hewşê rabûye, gardiyanên zilam êrîşî wê û hevaleke wê kirin.

Peker, telefonî diya xwe Maşallah Peker kiriye û gotiye, derketina hewşê saet ji 12’an heya 6’ê êvarî bûye, lê belê niha hatiye kêmkirin û ji ber ku li ber vê biryarê rabûye gardiyanan êrîşî wê kiriye.

Nebirin nexweşxanyê

Dayik Peker, anî ziman ku ji ber vê yekê fikar bi wan re çêbûne û got: “Gardiyanan li keça min daye. Serê hevala wê jî li dîwar xistine. Gardiyanê zilam li keça min û hevala wê xistiye. Lê wan nebirine nexweşxaneyê. Ji ber vê rapora wan a derbkirinê jî tuneye. Bi ser de îdareya girtîgehê xwedî li gardiyanê êrîşî keça min û hevalaê wê kiriye derketiye.

Dayik Peker, anî ziman ku keça wê gotiye ji ber derbên copan canê wê reş bûye û got: “Keça min û hevalên xwe çûne hewşê. Lê ji ber ku çûne hewşê li wan dane. Gotine hûn zû derketine. Ji ber ku keça min li dijî vê derketiye lê dane. Bi copan li milê wê dane, milê wê reş bûye. Li wir kamera jî hebûne lê dîsa jî midûrê girtîgehê giliya keça min esas negirtiye û bi ser de wê sûcdar kiriye.” WAN 

Dikarî Biecibînî