OHD’ê li goristana komî ya li Kîlyosê lêkolîn kir

Komekê ji parêzerên endamên OHD’ê ji bo lêkolînkirina gorên gerîlayên li Goristana Kîlyosê bi komî hatine veşartin çûn goristanê. Parêzeran got; ‘Tişta hatiye kirin derhiqûqî û derexlaqî ye.’

Dewleta tirk di sala 2017’an de Şehîdgeha Garzan a li Taxa Oleka Jor a Bedlîsê hilweşand û cenazeyên gerîla revandibûn Stenbolê.

Ji 282 cenazeyên ku bi hinceta testa DNA’yê birina Saziya Tiba Edlî, derket holê ku hestiyê aîdî 261 kesî li 18 gorên komî ku dema li Kîlyosê li goristana bêkesan dihate kolandin, hatine definkirin.

Li ser vê agahiyê, komeke parêzer ên endamên OHD’ê li goristanê dest bi lêkolînan kirin. Rêveberê Navenda Giştî ya OHD’ê Bûlent Aşa yê piştî ku li goristanê lêkolîn kir daxuyaniyek kurt da û got: “Tu aliyê ne hiqûqî û ne jî exlaqî yê tiştên hatine kirine, nîne.”

Aşa anî ziman ku dê raporê amade bike û rojên pêş bi raya giştî re parve bike. Her wiha dê mijarê veguhêzin asta neteweyî û navneteweyî jî. STENBOL

Dikarî Biecibînî