Qirkirina siyasî didome: Gelek jin hatin binçavkirin

Polîsên dewleta tirk îro di danê sibehê de bi ser malên rêveberên TJA û Komeleya Jinê ya Rosayê de girtin û gelek jin binçav kirin

Operasyonên qirkirina siyasî yên hikûmeta AKP-MHP’ê yên li dijî siyasetmedarên kurd bênavber didome. Di vê çarçoveyê de polîsên dewleta tirk di çarçoveya lêpirsînekê de ku ji Amedê tê birêvebirin, îro saet di 04.00’an de bi ser malên aktîvîstên Tevgera Jinê ya Azad (TJA) û Komeleya Jinê ya Rosayê de girtin. Polîsan bi saetan li malan lêgerîn kirin.

Di serdegirtina li navçeya Karakopru ya Rihayê de endama damezirîner a Komeleya Jinê ya Rosa Narîn Gezgor, li Amedê jî endama damezirîner a Komeleya Jinê ya Rosa Ayla Akat Ata, Seroka Komeleya Jinê ya Rosa Adalet Kaya û aktîvîsta TJA’yê Gulcîhan Şîmşek hatin binçavkirin.

Narîn Gezgor a li Rihayê hatiye binçavkirin piştî kontrolên tenduristiyê dê bibin Midûriyeta Emniyetê ya Amedê.

Tê gotin ku hejmara jinên di operasyonê de hatine binçavkirin dibe ku zêdetir bibe. AMED

Dikarî Biecibînî