Li ser Wargeha Mexmûrê liv û tevgera balafirên keşfê

Ev çend rojek in ku liv û tevgera balafirên keşfê ya li ser Wargeha Penaberan a Şehîd Rûstem Cûdî zêde bûne. Nayê zanîn bê ka ev balafirê yên kê ne

Di demên dawî de liv û tevgera balafirên keşfê ya li ser asîmanê Wargeha Penaberan a Şehîd Rûstem Cûdî (Mexmûr) zêde bûye.

Ji saetên serê sibehê ve tevgerekî zêde ya balafirên keşfê heye lê nayê zanîn bê ka ev balafir girêdayî Iraq, Koalîsyon Navneteweyî ya Li Dijî DAIŞ’ê yan jî yên dewleta tirk in.

Balkêşe ku balafirên keşfê yên digerin herî zêde li ser Wargeha Mexmûrê difirin.

Hêjayî bibîrxistinê ye ku dewleta tirk di 15’ê nîsanê de bi balafirên bêmirov ên bi çek (SÎHA) êrîşî bêrîvanên Wargeha Mexmûrê kiribûn. Di êrîşê de 3 jin hatibûn qetilkirin. MEXMÛR

Dikarî Biecibînî