Leşkeran tirbe û goristan rûxand û ala tirkan lê daliqand

Leşkerên dewleta tirk li gundê Şemsê yê Heskîfê goristana gund û tirbeya Şêx Îbrahîm a dîrokî rûxand û alên tirkan lê daliqand

Leşkerên dewleta tirk li gundê Şemsê yê navçeya Heskîf a Êlihê ji ewil goristan bi maşîneyên zirxî rûxand û piştre jî tirba dîrokî hilweşandin. Leşkerên piştre jî ala tirkan li darên nava goristanê daliqandin. Hat zanîn ku leşkeran goristan hefteyek berê hilweşandibû. Leşkerên ku Tirbeya Şêx Îbrahîm ku ji aliyê gel ve kesayeteke weke pîroz tê dîtin xerab kirin, ala tirkan li ser xerabeyên wê daliqandin.

Şêniyên gund ên ku dixwestin beriya qedexeya cejnê biçin serdana goristan û tirbeyê diyar kirin ku dema çûn goristanê û Tirba Şêx Îbrahîm, dîtin ku tirbe û goristan hatiye rûxandin û ala tirkan li ser hatine daliqandin.

Têkildarî mijarê hevserokê Şaxa MEBYA-DER’ê Ahmet Yaşar got ku AKP xwe weke partiyeke oldar nîşan dide lê belê tehemûla gorên jurdan û kesên oldar û xwedî dîrok û çand nake. Yaşar diyar kir ku tu îzaheteke vê êrîşê nîne û tenê ji ber ku ev gor ên kurdan in rastî êrîşê hatine. Yaşar da zanîn ku dê serî li rê û rêbazên hiqûqî û zagonî bidin. ÊLIH

Dikarî Biecibînî