Girtiyan dest bi greva birçîbûnê ya bêdem û bêdorveger kirin

Girtiyên li Girtîgeha Tîpa E ya Kirşehîrê li dijî ferzkirina jimartina leşkerî ya li ser pêyan û muameleya xerab, dest bi greva birçîbûnê ya bêdem û bêdorveger kirin

Girtiyên li Girtîgeha Tîpa E ya Kirşehîrê li dijî jimartina leşkerî û muameleya xerab dest bi greva birçîbûnê ya bêdem û bêdorveger kirin. Têkildarî mijarê parêzerên endamên Komeleya Hiqûqnasên Ji Bo Azadiyê (OHD) agahî dan û diyar kirin ku agahî ji hêla malbatên girtiyan ve ji wan re hatiye parvekirin.

Parêzeran da zanîn ku dema di 15’ê gulanê de çûne Girtîgeha Kirşehîrê, girtiyan ji wan re ragihandiye ku jimartina li ser pêya û muameleyeke xerab li ser wan tê ferzkirin û ev agahî dan: “Girtiyan da zanîn ku heke ev sepan bidome dê di 19’ê gulanê de dest bi greva birçîbûnê ya bêdem û bêdorveger bikin.”

Li gorî agahiyên parêzeran; ji 19’ê gulanê heta niha her 3 rojan carekê bi awayeke domdar girtiyek dikeve greva birçîbûnê ya bêdem û bêdorveger. Hat zanîn ku parêzerên OHD’ê û Komeleya Mafên Mirovan (ÎHD) dê di 1’ê hezîranê de biçin Girtîgeha Kirşehîrê û bi girtiyên di grevê de ne hevdîtinê bikin. ENQERE

Dikarî Biecibînî