Serdozgeriyê der barê parastina Demîrtaş de jî lêpirsîn da destpêkirin

Serdozgeriya Komarê ya Enqereyê têkildarî parastina Selahattîn Demîrtaş a di 15’ê çileyê de lêpirsîn da destpêkirin

Serdozgeriya Komarê ya Enqereyê têkildarî hin gotinên hevserokê HDP’ê yê berê Selahattîn Demîrtaş ên di parastina xwe ya di 15’ê çileyê de ya li 19’emîn Dadgeha Cezayên Giran a Enqereyê lêpirsîn da destpêkirin.

Demîrtaş di danişîna xwe de wiha gotibû: “Serdozgeriya Komarê ya Enqereyê operasyona der barê min de birêve dibe. Yên birêve dibin jî serdozger Yuksel Kocaman û alîkarê wî ne. Me giliyê wan kir. Hûn hesabê bidin darazê.”

Di lêpirsînê de parvekirinên li ser hesabê twîtterê ya bi navê ‘Demîrtaş Savunma’ jî li dosyayê hatiye zêdekirin.

Der barê mijarê de parêzerê Demîrtaş Mahsunî Karaman axivî û wiha got: “Dê ji ber vê lêpirsînê jî hesabê bidin darazê.” ENQERE

Dikarî Biecibînî