DFG: Li 2 rojnamegerên girtî îşkence hate kirin

DFG’ê bi daxuyaniyekê bîlançoya binpêkirinên mafên rojnamegeran a di meha gulanê de parve kir. DFG’ê da zanîn ku di meha gulanê de jî 105 rojnameger girtî bûn, li 9 rojnamegeran doz hate vekirin û 2 rojnameger jî li girtîgehê hatin îşkencekirin

Navenda Nûçeyan |

Komeleya Rojnamevanan a Dîcle Firatê (DFG) ‘Rapora Binpêkirina Mafên Rojnamevanan a Meha Gulanê’ bi daxuyaniyek nivîskî belav kir.

DFG’ê diyar kir ku di meha gulanê de 6 rojnamevan hatine binçavkirin û 2 jê hatine girtin. DFG da zanîn ku di meha gulanê de li dijî 3 rojnamevanan êrîş pêk hatine û der barê 4 rojnamevanan lêpirsîn hatiye destpêkirin û der barê 9 rojnamevanan de jî doz vebûye.

DFG’ê daxuyand ku di meha gulanê de 16 rojnamevan hatine darizandin û li girtîgehê îşkence û muameleya xerab li 2 rojnamevanan hatiye kirin. DFG destnîşan kir ku li 3 rojnameyan cezayê îlan û reklamê hatiye birîn û RTUK’ê ceza sekinandina weşanê daye 3 saziyên medyayê.

Bi domdarî jî DFG’ê diyar kir ku bi girtina 2 rojnamevanan re ji 5’ê hezîranê ve hejmara rojnamevanên hatine girtin gihiştiye 105 kesî. DFG’ê da zanîn ku ew ne xerîbê vê resmê binpêkirina azadiya rojnamevanan ne û li qadê li dijî rojnamevanan zext û zoriyan hat domandin û daraz jî li ser medyayê wek zextê tê bikaranîn.

Herî dawî jî DFG’ê destnîşan kir ku AKP-MHP dixwaze modela rojnamevaniyê ya li gorî xwe çêbike û ji ber şewba vîrûsa koronayê jiyana rojnamevanên girtî di xetereyê de ye.

Dikarî Biecibînî