Li Semsûr û Cizîrê 5 kes hatin binçavkirin

Polîsên dewleta tirk îro di danê sibehê de li Semsûr û Cizîrê bi ser gelek malan de girtin. Di encama serdegirtina malan de 5 kes hatin binçavkirin

Navenda Nûçeyan |

Operasyonên qirkirina siyasî ya dewleta tirk ên li dijî siyasetmedarên kurd û derdorên muxalîf bênavber didomin. Di vê çarçoveyê de polîsên dewleta tirk li Semsûr û Cizîrê bi ser gelek malan de girtin.

Di vê çarçoveyê de li Semsûrê endamên HDP, Egîtîm-Sen û Komeleya Elewiyan a Demokrat bûn hedefa polîsên dewleta tirk. Di encama serdegirtina malan de hevserokê berê yê HDP’ê yê bajêr Abûze Kuçukkelepçe, rêveberê berê Riza Açikpayam, rêvebera Egîtîm-Senê Ayşegul Yucetaş û serokê bajêr ê Komeleya Elewiyan a Demokatîk Celal Demircî hatin binçavkirin.  Hate gotin ku kesê bi navê E.G. jî ji ber ku li navnîşana xwe bû nehatiye binçavkirin.

Li Cizîr a Şirnexê jî polîsên dewleta tirk li taxa Nûrê bi ser malekê de girtin û welatiyê bi navê M.S. binçav kirin.

Dikarî Biecibînî