Celaliyan: Ger min nebin girtîgeha Xoyê ez ê dest bi grevê bikim

Girtiya siyasî Zeyneb Celaliyan ragihand ku ger ji girtîgeha Qerçek nebin girtîgeha Xoyê ku berê lê dima, dê dest bi greva birçîbûnê bike

Navenda Nûçeyan |

Girtiya siyasî ya kurd Zeyneb Celaliyan di 21’ê gulanê de ji girtîgeha Xoy a ser bi parêzgeha Urmiyeyê veguhestin girtîgeha Qerçek a li nêzî Tehranê. Ev veguhestina wê bû sedema nerazîbûna çalakgeran.

Li gorî raporekî Komeleya Mafê Mirovan a Kurdistanê, Zeyneb Celaliyan wiha gotiye: “Ger di rojên bên de min venegerînin girtîgeha Xoyê ez ê dest bi greva birçîbûnê bikim.”

Di rojên borî de Komelgeha Jinên Rojhilatê Kurdistanê (KJAR) û Kongreya Neteweyî ya Kurdistanê (KNK) bang kirin ku hemû girtiyên siyasî yên di girtîgehên Îranê de ne werin berdanê.

Girtiya siyasî ya Zeyneb Celaliyan nêzî 13 sal e di girtîgehê de ye. Di vê demê de îşkenceya derûnî û fizîkî gelek bandorî li tenduristiya wê kiriye. Her wiha berî du hefteyan dema ji girtîgeh Xoyê birîbûn girtîgeha Qerçek, bi vîrusa koronayê ketibû.

Piştî ku bi vîrûsê ket, ji ber zextan rakirin nexweşxaneya ji derveyî girtîgehê, tevî ku diviyabû di bin çavdêriyê de be, careke din vegerandin girîgehê.

Dikarî Biecibînî