Gerîla li Heftanînê li artêşa tirk xist

HPG’ê bi daxuyaniyekê ragihand ku hêzên wan li Girê Dupîşka yê Herêma Heftanînê li dijî artêşa tirk çalakî kir û di çalakiyê de 3 çeperên leşkerên tirk hatine rûxandin

Navenda Ragihandin û Çapemeniyê ya HPG’ê têkildarî çalakiyên hêzên gerîla û êrîşên dewleta tirk ên li dijî başûrê Kurdistanê daxuyaniyeke nivîskî weşand.

HPG’ê da zanîn ku hêzên wan di 1’ê tîrmehê saet 05.00’an, di çarçoveya Pêngava Şoreşgerî ya Cenga Heftanînê de li dijî leşkerên li devera Girê Dupişka yê diheve herêma Heftanînê çalakiyek kirin. HPG’ê diyar kir ku di çalakiyê de bi xurtî li çeper û stargehên dijmin hatine xistin û 3 çeper hatine rûxandin. HPG’ê destnîşan kir ku têkildarî kuştî û birîndarên artêşa tirk agahiyên zelal nehatine bidestxistin.

Bombebaran

Bi domdarî jî HPG’ê daxuyand ku artêşa tirk di 29- 30’ê hezîranê de geliyê Şeraniş û Girê Koordîneyê bombebaran kir. HPG’ê diyar kir ku di 30’ê hezîranê saet di 09:00’an de jî artêşa tirk bi obus û hewanan derdora gundê Minînê topbaran kir.

HPG’ê da zanîn ku artêşa tirk di 27’ê hezîranê de li derdora Girê Şehîd Şahan û Girê Koordîne yê herêma Xakûrkê ya Herêmên Parastinê yên Medyayê dest bi operasyonekê kir. HPG’ê aşkera kir ku operasyon bêencam vekişiyaye.

Herî dawî jî HPG’ê ev agahî dan: “Artêşa TC’ê ya dagirker di saetên şeva 30’ê hezîranê de bi balafirên şer devera Sinînê ya Herêma Xakûrkê bombebaran kir. Ji ber bombebaranê tu ziyan negihişt hêzên me.” BEHDÎNAN

Dikarî Biecibînî