Ev saleke Eyup Xelîl di destê PDK’ê de dîlgirtî ye

Asayîşa PDK’ê saleke ciwanê bi navê Eyub Xelîl binçavkiriye û hîn jî aqûbeta wî nayê zanîn. Her wiha 4 welatiyên jî ku bi hinceta tev li serhildana Şêladizê bibûn, 7 meh e hatine binçavkirin

Ciwanê bi navê Eyûb Xelîl ê li dijî dagirkeriya dewleta tirk li Bradostê tev li çalakiya mertalên zindî bibû û dema xwestibû vegere mala xwe, di 8’ê tîrmeha 2019’an de li navçeya Sîdekan a Hewlêrê ji aliyê asayîşa PDK’ê ve hatibû binçavkirin.

Eyûb Xelîl bi sûcê li dijî dagirkeriya dewleta tirk derketiye hatibû binçavkirin. Di 10’ê tîrmehê de asayîşa PDK’ê ew derbasî asayîşa Mesîfê kirin û li vir îşkence lê kirin. Piştre asayîşa PDK’ê ew derbasî asayîşa Hewlêrê kirin. Nêzî saleke Eyup dibin çavan de ye û aqûbeta wî nayê zanîn.

Li gorî Nûçeciwan malbata Eyûb Xelîl diyarkiriye ku der barê aqûbeta wî tu agahî nayê dayîn û asayîşa PDK’ê Eyûb Xelîl ji malbatê vedişêre. Asayîşa PDK’ê nahêlê malbat biçe kurê xwe bibîne.

Her wiha bi hinceta ku tev li serhildana Şêladizê bûne, ev 7 meh e welatiyên bi navê Filal, Kawa, Cemal û Hazim Şehbaz ji aliyê asayîşa PDK’ê ve hatine binçavkirin. Aqûbeta her 4 welatiyan jî heya niha nayê zanîn. HEWLÊR

Dikarî Biecibînî