Li Heftanîn, Xakûrkê û Çelê çalakiyên gerîlayan

HPG’ê bi daxuyaniyeke nivîskî ragihand ku di çalakiyên gerîla yên li Heftanîn, Xakûrkê û Çelê ya li dijî leşkerên tirk ên dagirker de 4 leşker hatine kuştin

Navenda Ragihandin û Çapemeniyê ya HPG’ê têkildarî çalakiyê gerîlayan daxuyaniyeke nivîskî da û di yar kir ku di çalakiyên gerîlayan de herî kêm 4 leşker hatine kuştin.

HPG’ê li ser çalakiyan ev agahî da:

“Hêzên me di çarçoveya Pêngava Şoreşgerî ya Cenga Heftanînê de 8’ê tîrmehê saet 09:00’an li dijî leşkerên artêşa TC’ê yên li Girê Şehîd Adar bi cih bûbûn, çalakiyeke ya sekvaniyê kirin û leşkerek ceza kirin.

Hêzên me di çarçoveya Pêngava Şoreşgerî ya Şehîd Bager û Şehîd Ronya de 8’ê Tîrmehê saet 22:30’î li dijî dagirkerên li Girê Şehîd Dewrêş ê li Herêma Xakûrkê ya Herêmên Parastinê ya Medyayê bi cih  bûbûn, çalakiyek pêk anîn. Di vê çalakiyê de ku bi xurtî li çeper û stargehên dagirkeran hate xistin, 2 leşkerên dijmin hatin cezakirin.

Di çarçoveya pêngavê de hêzên me, 8’ê tîrmehê di saetên sibê de çeper û stargehên li nêzî girê qereqolê ya li navçeya Çelê ya Colemêrgê kirin hedef û çalakiyek kirin. Di vê çalakiyê de leşkerek ceza kirin.

7’ê tîrmehê di saetên şevê de artêşa TC’ê li devera Boxaza Berxa, Boxaza Bazê, devera Kewotê û Mele Emîn dest bi operasyoneke dagirkeriyê kirin. Dagirkeran bi balafirên şer û helîkopteran, dîsa obûs û hewanan qada operasyonê bombe kirin. Ev operasyon şeva 8’ê tîrmehê bê ku encameke bigire vekişiyaye.”

Her wiha HPG’ê li ser êrîşên esamînî jî ev agahî parve kir: “7’ê tîrmehê balafirên şer ên artêşa TC’ê ya dagirker saet 12:50’î devera Sîda ya Herêma Zapê ya Herêmên Parastinê yên Medyayê bombe kirin. Di vê bomberdûmanê de tu ziyan bi hevalên me negihiştiye.” BEHDÎNAN

Dikarî Biecibînî