Ji girtiyan daxuyaniya 14’ê Tîrmehê

Têkildarî salvegera 14’ê Tîrmehê li ser navê girtiyên PKK û PAJK’ê Denîz Kaya daxuyaniyeke nivîskî weşand û bi ruhê 14’ê Tîrmehê banga bilindkirina têkoşînê kir

Navenda Nûçeyan |

Girtiyan derbarê salvegera 38’emîn a Rojiya Mirinê ya 14’ê Tîrmehê daxuyanî da. Li gorî nûçeya ku Ajansa Nûçeyan a Firatê derbas kiriye, li ser navê girtiyên PKK û PAJK’ê Denîz Kaya bal kişandiye ser berxwedana 14’ê Tîrmehê û bertek nîşanî operasyonên li dijî Komeleyan Jinan a Rosayê û Kongreya Civaka Demokratîk (KCD) da. Kaya banga bilindkirina têkoşînê kir.

Kaya bal kişand ser têkoşîna Mehmet Hayrî Dûrmûş, Kemal Pîr, Akîf Yilmaz û Alî Çîçek ku di Berxwedana Rojiya Mirinê ya 14’ê Tîrmehê de jiyana xwe ji dest dabûn û ev tişt got: “Zarokên şêrgele yên vê erdnîgariyê gotine ‘Biqasî ku di oxira wê de bimirim ji jiyanê hez dikim’ û li dijî îxaneta ku li wan hatiye ferzkirin jî gotine ‘Radestkirin mirov dibe îxanetê û berxwedan jî mirov dibe serkeftinê’. Şervanên azadiya mezin ku bi vê hişmendiyê tevgeriyane berxwedana kirine qewna tirsê ya faşîzmê.”

Di berdewamê de Kaya destnîşan kir ku tifaqa AKP-MHP’ê berdewamkarên darbeya 12’yê Îlonê ne û ev nirxandin kir: “Ji bo çeteyên xwe sererastkirina qanûna înfazê kirin, şertê wekheviyê bin pê kirine û li dijî girtiyên siyasî li girtîgehan êrîş zêde bûne. Bi pandemiyê re tu bergirî nehatin girtin, hevalên me yên girtiyên nexweş nebirine tedawiyê, şehadeta wan çêbû. Tê xwestin ku Tirkiye û Kurdistan wergere girtîheke mezin û bi pêkanînên antidemokratik gel bikeve bin kontrola wan û polîtîkayên mêtînkar û qirkirinê bi israr bên berdewamkirin. Operasyonên qirkirina siyasî yên li dijî Komeleyan Jinan a Rosayê û Kongreya Civaka Demokratîk (KCD) û êrîşên li hemberî cenaze û goristanan encama vê polîtîkayê ne.”

Kaya diyar kir ku AKP-MHP li hundir polîtîkaya ‘faşîzmê’ û li derveyî welat jî polîtîkaya ‘dagirkirinê’ dişopîne û divê li dijî êrîşên li ser Şengal, Mexmûr û Heftanînê di bingeha yekitiya neteweyî de xwedî li destkeftiyên kurdan bê derketin.

Kaya destnîşan kir ku Berxwedana Mezin a Girtîgehê ya 14’ê Tîrmehê hînê wan kiriye ku divê di şertên zor de jî di pratîk û sekna şoreşger de jî tavîz neyên dayîn û bal kişand ser ser pergala tecrîdê ya li Îmraliyê û ev tişt anî ziman: “Ruhê 14’ê Tîrmehê, di salên 2012-2018-2019’an de careke din bi berxwedana fedaî ya rêhevalên Zulkuf, Ayten, Zehra, Medya, Mahsûn, Sîraç, Yonca, Ûgûr, Umît û Îrfan derket holê.”

Her wiha Kaya destnîşan kir ku ji bo Ocalan bigihêje şertên ‘azad bijî û bixebite’ divê berxwedana fedaî ya 14’ê Tîrmehê û ruhê serkeftinê bê bilindkirin.

Dikarî Biecibînî